A Consellería de Cultura, Educación e Ordenación Universitaria ven de convocar os Premios Emprende Gaiás- Sixto Seco, dirixidos ás persoas tituladas de ciclos medios e ciclos superiores de Formación Profesional e das ensinanzas profesionais de Artes Plásticas e Deseño.
O premio en cada unha das modalidades será a incorporación gratuíta e durante doce meses ao espazo de coworking ‘Emprende Cultura Gaiás’ da Cidade da Cultura, a asistencia con todos os gastos pagados ao Zinc Shower 2014, e apoio, asesoramento e formación por parte de Agadic durante os primeiros pasos da empresa.
Estes premios buscan poñer en marcha ideas e proxectos innovadores no mundo das industrias culturais artelladas en tres modalidades:
- Aplicacións informáticas ou proxectos culturais en internet
- Proxectos na área do deseño
- Iniciativas na área da xestión cultural
A data de inscrición dos traballos estará aberta ata o 23 de novembro.
Podedes atopar máis información na páxina de FP "Eduemprende".
Podedes atopar máis información na páxina de FP "Eduemprende".