II Bolsa de Creación Fotográfica "O Mar"
O Museo do Mar de Vigo ven de convocar, coa asesoría sempre do CEF de Vigo (Manuel Sendón e Xosé Luis Suárez Canal) a II Bolsa de Creación Fotográfica O Mar. Poderán participar os mozos e mozas nacidos ou residentes en Galiza menores de trinta e cinco anos. Ao autor do proxecto elixido outorgaráselle unha bolsa cunha dotación de 3.000 euros para a realización dun traballo fotográfico relacionado co mar de Galiza en calquera das súas circunstancias. Tamén se fan cargo do tiraxe das copias e o montaxe da mostra ata os 6.000 €. A documentación para a participación entregarase nas oficinas Museo do Mar de Galicia (Av. Atlántida, 160 36208 VIGO) con data límite do 12 de febreiro de 2010.