laboratorio de ideas

Diamond Raw

2011-12-31T11:00:00.000+01:00

imaxen de Diamond Raw

Diamond Raw é unha iniciativa novedosa na que se xuntan a creación de xoias contemporáneas e mais a fotografía. A diseñadora Andrea Piñeiro e mais a fotógrafa Sainza M. Rodal, antiga alumna da escola, están a producir xoias que levan incorporadas fotografías e que, como valor engadido, pódense personalizar coas imaxes que cada persoa elixa. Acaban de arrancar pero xa teñen unha pequena coleción, La herencia de la tía Lola, na que misturan fotografía, memoria e mais herdanzas para facer unhas xoias moi especiais.

Fototeca, Estudo e Taller en Tui

2011-12-30T17:33:00.002+01:00

foto: Goretty Vázquez

Ven de abrir en Tui, Pontevedra, a Fototeca, un estudo e taller de fotografía creado por Goretty Vázquez, fotógrafa que foi alumna da escola. Está moi ben situado no casco vello de Tui, nun espazo amplo e ben acondicioado. Ademáis de adicarse a fotografía profesional tentará organizar cursos e outros actos ao redor da fotografía. (Neste momentos ainda non está operativa a sua web).

Estudar fotografía en Portugal

2011-12-07T10:55:00.001+01:00

En Porto, Portugal, vaise celebrar un Curso Internacional de especialización en Fotografía: Creación e Produción. Terá unha duración dun ano natural, do primeiro trimestre do 2012 ao primeiro trimestre do 2013 e nel participaran como mestres excelentes profesionais da fotografía e da docencia sobor de todo de Portugal e España (ademais de Francia e Inglaterra). O curso tenta ofrecer formación de alta calidade ao tempo que consolidar a Fotografía en Portugal como unha disciplina fundamental no medio audiovisual. Ofrecen 16 prazas e o curso terá un costo ao redor dos 4.000 €.
O centro que o imparte, Alquimia da Cor, tamén ofrece outros cursos e seminarios moi interesantes.

Foodphoto festival, unha rareza con calidade

2011-12-04T12:00:00.000+01:00

foto: Roland Persson

O Foodphoto Festival é un certame ao redor da fotografía de comida que se celebra en Tarragona no principio do outono, entre finais de setembro e primeiros de outubro. Non o coñecía pero ten unha programación ben interesante, nun terreo profesional no que apenas hai oferta de actividades. Merece a pena estar atento a edición do vindeiro ano.

Portugal, a moda e outras novas no blog

2011-12-03T00:25:00.001+01:00

foto: Daniel Blaufuks

Hai algúns cambios no blog. Un deles é a creación dun novo apartado de ligazóns adicado a Portugal no que hai enderezos de fotógrafos e algunha das institucións mais representativas no terreo da fotografía. Algúns dos autores son ben coñecidos (o caso de Daniel Blaufuks), pero outros din con eles ao traverso do blog Con Licença, adicado a xuntar imaxes e textos centrados en Portugal.
Tamén hai unha páxina nova, Outsiders, con ligazóns a webs e blogs de algúns dos antigos alumnos que hoxe están centrados na fotografía. Ademais se separaron os apartados de editoriais, librarias e galerias e engadironse novos grupos de direccións sobre Moda ou Retocadores de imaxen dixital.

Outro xeito de facer reportaxe social

2011-12-02T10:00:00.000+01:00

foto: Pedro Etura

Pedro Etura, un fotógrafo excelente (e un bó amigo tamén) acaba de gañar o Premio Lux Ouro na categoría de reportaxe social, que cada ano outorga a Asociación de Fotógrafos Profesionais (AFP). Cunha mirada moi persoal (e un oficio que está a altura dese xeito de ollar) agora mesmo está ao fronte de A Photo Agency e mais EturaWeddings, as duas empresa con base en Zaragoza. Pedro Etura impartiu un dos talleres de fotografía Erregebé, que se organizaron na EASD Antonio Failde de Ourense en 2010.

O máster de fotografía no Facebook

2011-12-01T09:00:00.000+01:00

Foto: Campus da UPV, Valencia

O Máster Universitario en Fotografía, Arte e Técnica da Universidade de Valencia, penso que o mais completo que se desenvolve en España, abriu unha conta en Facebook na que quere mostrar información e enlaces moi actualizados sobre o mundo fotográfico.

A fotografía e o pensamento

2011-11-30T10:00:00.000+01:00

Joan Fontcuberta (Barcelona, 1955) ven de recibir o Premio Nacional de Ensaio polo seu libro La cámara de Pandora (2010). Fontcuberta xa ten o Nacional de Fotografía, e sen dúbida que todos eles ben merecidos porque é unha excepción de fotógrafo adicado a investigar os límites do medio fotográfico no momento que estamos a vivir.
Neste video Fontcuberta fala de boa parte da sua maneira de entender a fotografía.

A foto na rúa

2011-11-29T17:37:00.001+01:00

Xa se inaugurou a mostra Pase(e)n e vexan sobre a intervención fotográfica que os estudantes de segundo curso da EASD Antonio Faílde de Ourense fixeron polas ruas da cidade, dentro da programación do Outono Fotográfico. Está aberta na Casa da Xuventude de Ourense.
O video de presentación (de película) é de José Chazo.

Adams en dixital

2011-11-29T17:28:00.001+01:00

arte_k3 organiza en Vigo dende o venres 25 de novembro uns encontros ao redor dun posible Sistema de Zoas na fotografía dixital. Seran tres encontros nos que, se ainda quedan prazas, podedes participar. A persoa de contacto é o fotógrafo Tony Vacas e os datos de contacto son: movimientoartek@gmail.com ou no teléfono 625 834 660.

Material de segunda man

2011-11-29T17:16:00.001+01:00

Os vindeiros 18 e 19 de decembro Zlick (A Coruña) organiza un mercadillo fotográfico no que haberá material de segunda man, fotos, libros e moito mais. Ofrecen os posibles vendedores un espazo gratuito para ofertar os seus produtos, ainda que advirten de que as prazas dispoñibles son limitadas. Os interesados deben chamar ao 881 897 795 ou escribir a info@zlick.es canto antes.

O CGI xa está aquí

2011-11-22T10:30:00.000+01:00

O sol en 3D (NASA)

No eido da fotografía comercial xa están chegando talleres como o que organiza a AFP o vindeiro 24 de novembro en Barcelona: Do Photoshop ao CGI.
O CGI, Computer Generated Imagery, parece ser o siguiente desenrolo do traballo dixital, sobre todo na fotografía publicitaria. Trátase do 3D e das xa evidentes aplicacións fotográficas. Sistemas de fotorealismo é o encabezamento de algunha empresa adicada a esta tecnoloxía, que tamén empeza a ensinarse nalgunhas escolas. Aplicacións como o Maxom Cinema 4D ou o V-Ray ou apartados como o Fluxo de traballo 3D Esteresocopico pode ser que sexan o seguinte que teña que coñecer certo tipo de fotógrafos.

Foise o home do realismo fantástico

2011-11-21T13:20:00.001+01:00

O xoves pasado morreu o fotógrafo Jorge Rueda (Almería, 1943). Foi un dos autores que renovou a fotografía en España, autor do que el chamaba realismo fantástico. Fundou e dirixiu nos anos 70 unha revista xa histórica, Nueva Lente, e sempre gustaba de investigar na manipulación das imaxes cando ainda o Photoshop non era popular. Era un home cun amplo sentido do humor, moi irónico e provocador. Publicou dous libros: Mal de ojo (Murcia, ed. Mestizo) e Desatinos (Málaga).
Este é un fragmento no que Jorge Rueda fala de si mesmo (e de todo):

Nací en Almería, soy un enfermo mental.
Y ya que cuando abro la boca o uso las manos, no produzco más que inconveniencias y barbaridades, mis médicos me han prohibido todo movimiento, bajo amenazas de cortarme cosas. las que mueva.
Vivo hibernado.
Así que no me pidáis que os cuente la verdad, ni siquiera mi verdad, porque no puedo.
Sólo me atreveré a decir, sabiendo que me arriesgo a recibir nuevos castigos, que el poder me da náuseas, que las expresiones y conductas de dominio me quitan la alegría y que no hay para mí más honda repugnancia que la del que se aprovecha de cualquier clase de fuerza para matar la vida o conducirla a su acomodo.

Mestres da publicidade

2011-11-17T20:08:00.001+01:00

¿Donde van los globos que se escapan de las manos de los niños?
- Watch more Funny Videos at Vodpod.

Voyeurismo, vixiancia e intimidade

2011-11-17T19:38:00.001+01:00

foto: Walker Evans

Unha mostra para non perderse: Observados, voyeurismo e vixiancia ao traverso da cámara dende 1870. Esta gran exposición, creada polo San Francisco Museum of Modern Art e a Tate Modern, e que presenta en Madrid a Fundación Canal, percorre a historia da chamada mirada indiscreta, xunto a evolución do concepto de intimidade e o de vixiancia. A entrada é libre e estará aberta ata o 8 de xaneiro.

O mellor da fotografía máis comercial

2011-11-17T19:20:00.001+01:00

Unha das imaxes premiadas co Lux Oro 2011

Aquí está o enlace cos premios de fotografía comercial LUX, que cada ano outorga a AFP (Asociación de Fotógrafos Profesionais, con sede en Barcelona). Este ano, entre outros, levou un LUX Ouro o fotógrafo galego Adolfo Enríquez por un traballo sobre a rapa das bestas. Non é doado saber de quen é cada foto na web da AFP, pero vale a pena adicar un pouco de tempo os distintos premios para coñecer algo do estado da fotografía máis comercial. Atenció ao apartado Junior, adicado a estudantes e xóvenes profesionais que se inician no mundo profesional.

Sobre conservación e restauración de Fotografía

2011-11-17T18:52:00.001+01:00

Daguerrotipo estereoscópico. Anónimo, ca. 1855

Este xuño pasado tivo lugar en Logroño o encontro internacional sobre Conservación da Imaxe Fotográfica, o FotoConservación 2011. Detrás dese proxecto están, entre outras persoas, o conservador de Zaragoza, formado en EE.UU. , Angel M. Fuentes e a escola privada de fotografía Casa de la Imagen (antes Cámara Oscura). O encontro estivo composto de cursos, talleres e másters con algunhas das primeiras autoridades mundiales na materia, e busca ser o referente do sector en España.
Pois agora, ao longo do curso iranse repetindo algúns destes talleres pero en formato mais reducido: un fin de semana. A información estará, entre outros sitios, na Casa da Imaxen.

¿Fotografía?

2011-11-17T18:35:00.001+01:00

imaxe do PDF do MACUF

¿A Fotografía? é o título da mesa redonda que terá lugar no MACUF, A Coruña, o vindeiro venres 18 de novembro as 20:00h. Participarán nela os fotógrafos Jordi Bernadó, Carlos Cánovas e Xosé Garrido. O programa trata dos procesos creativos e técnicos da fotografía que interveñen no proceso comercial.
Tanto Carlos Cánovas como Jordi Bernadó teñen exposicións agora mesmo neste museo.

O inverno en La Fundación

2011-11-07T14:01:00.000+01:00

foto: Javier Vallhonrat

La Fundación é unha nova empresa de xestión cultural que adica boa parte do seu traballo a fotografía. Situada preto de Madrid, polo momento está a organizar tres talleres de fotografía: un con Javier Vallhonrat (do 2 ao 6 de decembro), outro con Oscar Molina (do 7 ao 11 de decembro) e un terceiro con Nicolas Combarro; o tempo que ofrece unhas becas para participar neles ou para desenvolver un proxecto fotográfico. La Fundación tamén xestionará diferentes proxectos expositivos e mais editoriais.

Premios Nacionais e polémica

2011-11-06T21:19:00.001+01:00

O fotógrafo Rafael Sanz Lobato recibiu o Premio Nacional de Fotografía 2011.

Todo un cambio na traxectoria deste recoñecemento do Ministerio de Cultura se comparamos co controvertido Premio 2010 concedido o fotógrafo José Manuel Ballester.

No seu día houbo unha certa polémica co caso (normal nestes premios), opinións dun xeito ou doutro. Pero no inicio do curso un compañeiro da escola, Miguel Mantilla, profesor de debuxo e un experto na obra de Velázquez, terciou na polémica ao descubrir unhes certos erros na eliminación de personaxes que José Manuel Ballester fixo no foto-vaciado das Meninas de Velázquez. Faciao con coñecemento do asunto, porque él mesmo fixera ese vaciado un ano antes mentras investigaba o xeito de traballar deste pintor.

Dí Miguel Mantilla, dun xeito moi resumido (porque encontra ata 15 erros de certa consideración):
¿Porqué su mirada fue tan trivial? Quién sabe, quizás por el ritmo frenético de nuestra época y sus acontecimientos sobreponiendo en general la producción a la reflexión y, sin aludir a la expansiva mediocridad vigente, lo cierto es que al intentar vaciar de personajes el espacio enmarcado por La Familia de Felipe IV o Las Meninas de Velázquez, se aprecian cuanto menos, 3 errores importantes:
1º Que tras el gran maestro hay un portal -no más ancho que el contrario- y a su lado cuelga un cuadro que no se detecta pese a su evidencia y relevancia
2º Que por la misma zona en la penumbra del suelo no puede aparecer recortada ni reflejada una 2ª franja de luz
3º Que por la derecha, el remate de los pilares laterales ni tiene rodapié ni penetran ortogonal o rectamente en la estancia

Certamente, un traballo de base conceptual coma este esixe unha grande precisión, algo que se pode cuestionar no traballo de Ballester. Para aclarar o asunto, Miguel Mantilla fixo este video no que deixa claro o vaciado correcto das Meninas. José Manuel Ballester, informado deste erros, non respondeu.

Spottorno e os Asuntos Fotográficos

2011-11-06T20:41:00.002+01:00

foto: Carlos Spottorno

Esta é unha recomendación sobre o blog Asuntos fotográficos do fotógrafo Carlos Spottorno. Chegoume o enderezo xa por varias vías e certamente trátase dun conxunto de reflexións ben interesantes. Un home cos pes no chan, díxome o último amigo que me recomendou o enlace; e tamén un fotógrafo comprometido e valente para indagar dese xeito.
Outro blog moi interesante é o de Matias Costa (xa reseñado aquí).

Outono Fotográfico en Ourense

2011-10-28T12:31:00.000+02:00


foto do proxecto Espellos, de Juan Adrio e Vanesa Díaz

Xa está en marcha a 29 edición do Outono Fotográfico en Ourense, este ano marcado pola homenaxe ao que fora o seu creador e director Benito Losada, recentemente desaparecido. A escola participa, entre outras cousas, cunha mostra dos alumnos de segundo curso, Pase(e) e Vexan, organizada dende o área de proxectos, ao redor dunha intervención fotográfica na rúa. Exposicións ao longo do outono en todalas salas de Ourense, dende fotógrafos históricos ata novos valores.

Jeff Wall en Santiago

2011-10-28T10:46:00.000+02:00

foto: Jeff Wall

O CGAC (Centro Galego de Arte Contemporáneo) de Santiago presentará en novembro unha extensa mostra do fotógrafo Jeff Wall, na que el mesmo colaborou como comisario. Ademais das suas obras haberá imaxes doutros cincuenta e nove artistas que dalgún xeito influiron no seu traballo. Titulase The Crooked Path e estará aberta en Santiago do 13 de novembro ao 26 de febreiro. O horario do CGAC é de 11:00 a 20:00 h, agás os luns, e a entrada é gratuita.

Detrás da cámara no Courel

2011-10-26T20:10:00.001+02:00

Oscar Molina impartindo o taller
en Blank Paper, Madrid
foto: escola Blank Paper

Do 20 ao 26 de novembro terá lugar en Paderne, Folgoso do Courel, unha nova edición do taller Detrás da cámara, impartido polo fotógrafo Oscar Molina e organizado por Carlos Puga, Fotoxoguete. Pode que ainda quede algunha praza. No blog da Escola Blank Paper hai un resumo excelente dos contidos e do plantexamento deste taller.

Talleres de fotografía profesional

2011-10-26T19:42:00.000+02:00

portal web de Omar Josef

Nestes vindeiros meses desenvolveranse en Galicia varios Talleres de Fotografía comercial, organizados pola obra social de Novacaixagalicia (hai que aproveitar o tempo que lle quede a esta iniciativa). Os talleres son en Vigo e Santiago e teñen dous niveis: Cursos multimedia e Talleres Pro (cursos profesionais de fotografía e edición de audio). Destaca un Master Class sobre retoque de beleza e moda impartido por Omar Josef, que terá lugar o 26 e 27 de novembro.
Para inscribirse hai que facelo ao traverso da web servinova ouy chamando ao 902434443

New Photography 2011 no MOMA

2011-10-14T20:31:00.000+02:00

foto: Moyra Davey

O MOMA, Museo de Arte Moderno de New York, ven de elexir os seis fotógrafos emerxentes deste ano. Coa obra de cada un ten montada a mostra New Photography 2011. Son estes seis pero de seguro que poderian ser muitos outros a pouco que se modificaran os criterios. Pero é interesante ver a obra e valorar a selección.
Os fotógrafos son: Doug Rickard, que explora a fotografía preto do chan coas imaxes do Google Street View; Moyra Davey que convirte as fotos en cartas e logo as recupera para mostralas; George Georgiu coa sua obra documental sobre a modernización de Turquía; Deana Lawson que ten unha serie de retratos sobre cuestións íntimas ao redor da sexualidade e a comunidade; Vivine Sassen que traballa sobre a sua infancia en Kenia e Zhang Dali que se ocupa de imaxes manipuladas no réximen de Mao Tse Tung.

O Clúster Audiovisual Galego

2011-10-14T19:32:00.001+02:00

foto: Hans Hauswaldt

O Clúster Audiovisual Galego é unha interesante iniciativa empresarial do audiovisual galego. Non da de cheo na fotografía pero si hai empresas en terreos que non están lonxe do fotográfico.

Eles preséntanse como unha alianza compacta de 56 compañías que conforman a industria audiovisual galega. As empresas máis innovadoras do sector en toda a súa cadea de valor do proceso de produción e distribución de produtos audiovisuais e de novas tecnoloxías. 56 empresas decididas a aumentar o seu volume de negocio a traves de senerxias para desenvolver proxectos empresariais que convirtan a Galicia nun referente da industria audiovisual.

O que é certo e que entre os seus obxetivos está o fomentar o I+D+i e que pode ser unha referencia para ver as empresas mais innovadoras deste sector en Galicia.

TRAMA, o anuario da escola do 2011

2011-10-14T18:42:00.001+02:00

foto: Itziar Couce

Xa está engadida ao blog (dentro da páxina Anuario da escola) a revista que anualmente edita a Escola de Arte e Superior de Deseño Antonio Faílde de Ourense. Recolle colaboracións externas e traballos do alumnado de todolos estudos que se fan nela, ademais dalgun artigo do profesorado.

A Series of Unfortunate Events

2011-09-28T23:00:00.000+02:00


foto: Michael Wolf

Este é o traballo do fotógrafo Michael Wolf que gañou unha mención no World Press Photo 2011 con reproduccións de imaxes tomadas por Google para o Google Street View. A serie ten un bo título: A Series of Unfortunate Events. Non coñecía as imaxes (agradezo os alumnos que sacaron o tema no aula). Busqueinas e aquí están.

A mostra Animais en Pontevedra

2011-09-28T18:30:00.000+02:00

Este venres 30 de setembro inaugurase a exposición colectiva de fotografia "Animais" no Pazo de Torrado de Cambados (Pontevedra) ás 20.00 h.

Os fotógrafos participantes son: Luis Barreiro, Xabier Fernandez, Nacho Gomez, Marcos Miguez, Carlos Puga, Eutropio Rodriguez, Jose Romay, Monica Vila, Bernardo Villanueva e Xaquin Rosales.

Encontros da Imagem, Portugal

2011-09-26T17:49:00.001+02:00

Os Encontros da Imagem de Braga, Portugal, teñen lugar do 17 de setembro ao 30 de outubro. Hai exposicións, visionado de traballos, talleres e outras actividades fotográficas.

"Fotografía dende onde o mundo se chama Galiza"

2011-09-26T17:39:00.002+02:00

Mañá martes 27 de setembro terá lugar a conferencia titulada "Fotografía dende onde o mundo se chama Galiza", impartida pola profesora, escritora e diretora de documentais Margarita Ledo Andión. Será dentro do ciclo "Lingua, literatura e Naçom" da Agrupación Cultural O Facho, en A Coruña; e a charla será no local da Fundación Caixa Galicia, no Cantón Grande de A Coruña, as 20 h.

EASD Antonio Faílde. Datas dos Proxectos Finais de Fotografía

2011-09-26T17:26:00.002+02:00

As datas polas que se rexirá a presentación dos Proxectos Finais de Fotografía, na convocatoria de decembro de 2011, son as seguintes:

Límite para a entrega dos anteproxectos: venres 7 de outubro
Publicación anteproxectos Aptos/Non aptos: martes 11 de outubro
Entrega anteproxectos reformados: venres 14 de outubro
Lista definitiva anteproxectos Aptos/Non aptos: martes 18 de outubro
Límite para a entrega dos proxectos xa rematados: luns 5 de decembro
Publicación proxectos Aptos/Non aptos: venres 9 de decembro
Reunión aclaratoria alumnos con proxectos Non aptos: luns 12 de decembro
Presentación dos proxectos aprobados: venres 16 de decembro ás 10 h.

Martin Parr, Magnum e o 3D

2011-09-23T17:28:00.000+02:00

...da que pensar..., porque polo medio tamén está unha industria moi agresiva comercialmente

Curso de Fontcuberta en Vigo sobre a fotografía 2.0

2011-09-22T19:54:00.001+02:00

foto: Joan Fontcuberta, do traballo "Orogénesis"

Joan Fontcuberta vai dar un taller de dous días, 1 e 2 de outubro, na Illa de San Simón, na ría de Vigo. Títulase "Documento e Identidade na fotografía 2.0"

El dí sobre o curso: A fotografía dixital e a súa circulación masiva na Internet trastocaron a natureza do fotográfico problematizando o que até agora foron as súas funcións esenciáis.
Entre as cuestións principais, proponse aquí analizar a vixencia do documental nunha cultura postfotográfica e os novos procesos de producción de identidade.
Este taller terá un enfoque de reflexión e é idóneo para fotógrafos profesionais e afecionados avanzados, artistas visuais, periodistas, estudantes e todos aqueles con curiosidade por a imaxe e a comunicación visual.

Hai 25 prazas (que imaxino desapareceran rápido) e custa 150 € (coa comida do sábado) e 230 € con réxime de pensión completa.
Información e inscricións na Fundación Illa de San Simón.

Mymicrostock, un blog sobre axencias

2011-09-22T19:44:00.000+02:00

portal da axencia Dreamstime

Este é un blog con moita información sobre o funcionamento das axencias ou bancos de imaxes chamadas de "microstock", algo diferentes no funcionamento e nos prezos os bancos de imaxes que sobre todo traballan con imaxes de dereitos reservados. Chámase Mymicrostock e mandoumo Daniel Gallego tras a clase na que saliu este tema.

Fotopres en Santiago

2011-09-20T21:48:00.004+02:00

Acceso a Youtube para Visualizar

A exposición cos premios Fotopres 09 pode verse en Santiago de Compostela, no Colexio de Fonseca (Praza de Fonseca, s/n), ata o 2 de outubro.

Ser espectador na Alta Provenza

2011-09-20T21:45:00.000+02:00

taller Ser Espectador. Oscar Molina

O taller Ser espectador é unha proposta do fotógrafo Oscar Molina que se vai desenvolver na Reserva Natural Xeológica da Alta Provenza, Francia. Ao longo de varias xornadas mistúranse paseos pola natureza con xuntanzas ao final do día para tratar temas ao redor de ser espectador. Colaboran o Museo Gasendi e o CAIRN, Centro de Arte. Será do 9 ao 15 de outubro e estes serán os últimos días para poder atopar praza.

A fotografía estenopeica

2011-09-20T21:07:00.000+02:00


foto: Deneb Martos

A Fotografía Estenopeica é un taller que impartirá a fotógrafa Deneb Martos na Escola de Fotografía Lens, en Madrid. Deneb Martos é unha gran especialista en fotografía analóxica, con moita experiencia no laboratorio e mais na feitura de imaxes fotográficas sen cámara ou con cámaras estenopeicas. O taller será o fin de semana do 26 e 27 de novembro. Moi recomendable para quen queira achegarse a este xeito de facer fotografías.

Presentación da revista da escola

2011-09-20T20:44:00.000+02:00

foto: Iago González

O Anuario da Escola de Arte e Superior de Deseño presentarase este venres 23 as 13 h. no salón de actos da EASD Antonio Faílde. Estades todos convidados (agardamos que poida haber polo menos un exemplar para cada un). Na páxina "Anuario" están os enlaces coas duas revistas anteriores.

Duas exposicións

2011-09-15T21:06:00.000+02:00

foto: Ricard Terré

Duas exposicións imprescindibles:
Ricard Terré en Vigo ata o 30 de outubro na sala da Fundación Barrié (Policarpo Sanz, 31) e a mostra colectiva titulada La morada del hombre, con fotografías da colección Marin Z. Margulies e obras dos grandes autores da fotografía do século XX, ata o 25 de setembro na sala da Fundación Barrié en A Coruña (Cantón Grande, 9).

Demasiado, pero no suficiente. Antoine d' Agata

2011-09-15T19:56:00.000+02:00

Demasiado, pero no suficiente
Este é o titulo do taller que vai dar en España Antoine d'Agata. Será en La Magistral, en Girona (S. Pere Pescador, un puebliño pequeno a beira do mar) do 28 ao 30 de outubro.
Toda a xente que estivo algunha vez nun taller deste fotógrafo dí que é algo excepcional. As suas imaxes tamen o son, pero nun taller é moi valorado pola sua gran capacidade por escoitar a obra dos demais e indagar nela. É unha oportunidade de coñecer un dos autores cunha obra mais comprometida cos seus modelos e cun concepto de oscuridade moi particular. Moi, moi recomendable.

Carta

2011-09-14T14:35:00.003+02:00

A primeira entrada desta nova etapa vai ser a carta que o fotógrafo chileno Sergio Larraín escribiu en 1982 ao seu sobriño cando este lle dixo que ía tentar ser fotógrafo. Ademáis pode servir para achegar a obra de Larraín, autor dun traballo sobre a cidade de Valparaíso que está entre o mellor da historia da fotografía de reportaxe.

2011-09-14T14:32:00.000+02:00

William Eggleston

Este blog volve a funcionar.
Voltamos tras moitos meses sen actividade, co obxetivo de volver a poñer a disposición de quen lle interese unha información que pode axudar a desenvolver a actividade fotográfica.
As entradas novas serán máis breves e con frecuencia sen imaxen, pero sempre irán co enlace para chegar ao orixen da información. O número e calidade dos links tentará medrar dun xeito constante, e sempre haberá unhas recomendacións moi concretas para quen non teña moito tempo para explorar.

Daido Moriyama fotografiando as rúas de Tokio

2010-09-29T18:25:00.000+02:00

Taller de Susan Meiselas e Joan Fontcuberta en Lleida

2010-09-29T18:10:00.004+02:00

Joan Fontcuberta dirixe o Taller Internacional de Fotografía no Emergent/Lleida 10. E iste ano invitou a fotoxornalista Susan Meiselas (Magnum) a traballar con alumnos sobre as maneiras de explicar tanto a realidade o traverso da ficción como a ficción o traverso da realidade. É un taller teórico-práctico para fotógrafos profesionais, artistas ou estudantes.
O talle terá luga en Tárrega os vindeiros 8, 9 e 10 de outubro. As inscripcións están abertas.

Dous fotógrafos de moda

2010-09-29T17:59:00.004+02:00

Neste outono exporase en Madrid a obra de dous dos fotógrafos de moda mais interesantes: Mario Testino, "Todo ou nada" no Museo Thyssen e Guy Bourdin "A message for you" na Sala do Canal de Isabel II

Curso sobre protección de orixinais fotográficos

2010-05-26T18:11:00.003+02:00

"Técnicas de protección de orixinais gráficos e fotográficos" é un curso que organiza o Museo Etnolóxico de Ribadavia (Ourense) do 14 ao 18 de xuño de 2010. O impartirá Ángel Fuentes de Cía, que é un dos maiores coñecedores que hai no noso pais na conservación e restauración do documento fotográfico. O curso terá 30 horas lectivas con horario de mañá, das 9 ás 14 h, e de tarde, das 16 ás 19 h. Terá lugar no Centro Comarcal do Ribeiro, en Ribadavia. Poden participar nel un máximo de 25 persoas e a matrícula é gratuita. O prazo de inscrición remata o 4 de xuño. Toda a información nos teléfonos 988 471 843 e 988 71 352 e nos enderezos: maria.jose.ruiz.vazquez@xunta.es / mu.etnoloxico.ribadavia@xunta.es

Erregebé, mirada e fotografía

2010-05-11T16:29:00.005+02:00

Nace erregebé, unha iniciativa dos alumnos e profesores de fotografía desta Escola de Arte, adicada a ofrecer talleres de formación moi específica no eido da fotografía profesional. Nesta primeira edición haberá tres talleres, impartidos polos fotógrafos David Jiménez, Pedro Etura e Xoan Piñón. Asimesmo, cada un deles ofrecerá unha sesión monográfica sobre un aspecto técnico do seu traballo en dixital. Será do luns 28 de xuño ao venres 2 de xullo de 2010, na sede da Escola. Toda a información está dispoñible no Aula Virtual, dentro do taller erregebé, o que se pode entrar sen ningún contrasinal, só premendo o botón de convidado.

O World Press Photo en A Coruña

2010-05-11T13:55:00.003+02:00

As fotos gañadoras do World Press Photo 2010 expoñense no Aquarium de A Coruña ata o 27 de Maio. Xa citamos no blogue á excelente foto gañadora, sobre a resistencia civil en Irán, pero hai outras imaxes impactantes e cheas de contido. A Coruña é a primeira cidade española na que estará presente esta mostra, froito do interese dos Museos Científicos Coruñeses por que cada ano a cidade acolla a mostra inaugural.

Centro Galego de Fotografía

2010-05-11T13:45:00.003+02:00

Parece ser que Galicia vai contar cun Centro Galego de Fotografía, que se creará en Vigo. A nova é que o proxecto vai para adiante e as suas obras iniciaránse no vrao. Estará moi vinculado co CEF (Xosé Luis Suarez Canal e Manuel Sendón) e as Fotobienales que tiveron lugar en Vigo, de feito está previsto que acolla as coleccións deste certame xunto con arquivos como o de Pacheco ou Ksado. Prevese que entre en funcionamento na primaveira do 2011.

Fotografía dixital avanzada

2010-05-11T13:39:00.002+02:00

O fotógrafo Gabriel Brau dará en Galicia dous talleres sobre Fotografía Dixital para un nivel avanzado. Serán o 11,12 e 13 de Xuño en Vigo e o 25, 26 e 27 do mesmo mes en A Coruña. Quedan prazas libres.

Fotografía e navegación: Talleres na Costa da Luz, Huelva

2010-05-05T12:58:00.003+02:00

O fotógrafo Juan Sande ven de crear unha empresa de xestión cultural, Sand-e, moi centrada no terreo fotográfico. Este vrao organiza dous talleres sobre fotografía na Costa da Luz, Huelva. Construir a nosa fotografía, Edición e producción do noso proxecto fotográfico estará impartido por Xavier Mollá e terá lugar do 18 ao 24 de xullo. Imaxes dunha exploración, Apreciación e construcción de mundos fotográficos, será do 25 ao 31 de xullo e estará ao meu cargo. Os talleres incluen catro días de traballo nun cortixo preto do Parque Nacional de Doñana e dous días de navegación nun catamarán pola costa do Algarve portugués, porque non só de fotografía se vive... Para min é unha honra participar nesta iniciativa e tentarei ofrecer argumentos para coñecer e desfrutar a fotografía a distintos niveis.

Cursos de Photoshop

2010-05-05T12:54:00.003+02:00

O Laboratorio Daylight de Madrid, dirixido por Pepe Frisuelos, organiza cursos moi interesantes sobre Photoshop e tratamento dixital. Hai duas convocatorias do Curso Avanzado de Photoshop para Fotógrafos: 7, 8 e 9 de maio e 21, 22 e 23 do mesmo mes; e un Curso Básico de Photoshop para Fotógrafos o 14, 15 e 16 de maio.

Congreso internacional de Natureza e Imaxen na Coruña

2010-05-05T12:42:00.003+02:00

O II Congreso Internacional sobre Natureza e Imaxen terá lugar na Coruña do 8 ao 16 de Maio.
O ver a programación compróbase que hai un pouco de todo: audiovisuais con traballos de natureza, cursos de iniciación, un taller de ilustración, observación de aves e distintos tipos de ponencias. No enlace pódese descargar un PDF con todolos datos.

O Arca

2010-05-05T12:38:00.003+02:00

Un novo libro da orixinal colección Dobladillos de canela e tinta china, que edita Laura Covarsí. Este exemplar, que se pode descargar gratis e que despois hai que montar na casa, é obra de Maria-do-Mar Rêgo. Titúlase El Arca.

Música e novas paisaxes

2010-05-05T12:22:00.003+02:00

O CDAN (Centro de Arte e Natureza) e o Festival de Cine de Huesca organizan o taller "Música en Paisajes Insólitos", un taller de Videoclip Documental que durará tres días, do 9 ao 11 de xuño. Traballarase con grupos de música que previamente serán seleccionados. É un proxecto que mistura, entre outras cousas, a música, o cine e mais o video. E iso sempre pode xenerar cousas interesantes.

Encontexto, Encontro sobre a fotografía

2010-04-28T13:34:00.003+02:00

ENCONTEXTO é un Encontro para a reflexión sobre a fotografía en España, que terá lugar na Facultade de Belas Artes de Madrid. E a sua terceira edición e están programadas conferencias e mesas redondas. Será o xoves 6 e o venres 7 de maio.

E. CO 2010. Encontro de Colectivos Fotográficos Independentes

2010-04-19T18:26:00.005+02:00

O I Encontro de Colectivos Fotográficos Españois e Latinoamericanos terá lugar en Madrid e Soria do 13 ao 18 de Maio. En total 20 colectivos dos dous continentes nunhas xornadas abertas ao público para compartir traballos e debatir, entre outras cousas, sobre os canles de distribución das imaxes. Tamén haberá tempo para facer un traballo fotográfico sobre a provincia de Soria.

Unhas tarifas mínimas para a fotografía

2010-04-19T18:11:00.005+02:00

Baixo o título Non por menos, o Sindicato da Imaxe de Cataluña ofrece un PDF cosas tarifas mínimas que deberían cobrar os fotógrafos en moitos dos seus traballos. É unha boa guía, que debería axudar a competir coa calidade, non só cos prezos baixos (as veces polo chan).

Master of Fine Art (MFA), program in Photography

2010-04-19T17:37:00.002+02:00

Un bon lugar para seguir estudando, por exemplo un Master en Arte na especialidade de Fotografía.

Web sobre Cartier-Bresson

2010-04-19T17:14:00.003+02:00

Coincidindo coa mostra que o MOMA de New York adica a Cartier-Bresson , o mesmo museo fixo unha excelente páxina web sobor deste fotógrafo. Pódense pasar horas a mirar as coleccións de imaxes, ben reproducidas, que hai nela. Unha maravilla.

Dosieres para a Mostra Gas Natural

2010-04-19T17:01:00.003+02:00

Está convocada a 11 Mostra Internacional Gas Natural (antes Unión Fenosa), aberta a todalas técnicas e procedimentos, así como correntes artístas e estéticas (...alo menos así o dín eles)
A presentación faise mediante un dosier, e a data límite para entregalo é o 30 de maio. A mostra coas obras seleccionadas abrirase en xullo.

Idiomas e dialectos de Castellote

2010-04-19T16:53:00.003+02:00

As datas definitiva para o taller Idiomas e Dialectos que impartirá o crítico e comisario Alejandro Castellote nos FotoTalleres do Montseny (Girona) son do 25 ao 28 de novembro. Ata fai poucas semanas, e asi o dixemos no blogue, estaban sen pechar.

Taller con Navia no Courel

2010-04-19T16:36:00.003+02:00

Fotoxoguete (Carlos Puga) organiza un taller sobre Edición Fotográfica con José Manuel Navia. Será no Courel (Lugo) do 22 ao 28 de Agosto. Hai 25 prazas e na cuota de 600 € vai incluida a matrícula, estancia e comidas.

Caujolle en Barcelona

2010-04-19T16:17:00.003+02:00

A escola GrisArt organiza un taller con Christian Caujolle os vindeiros 28, 29 e 30 de abril na sua sede de Barcelona. O obxectivo é reflexionar sobre como están a cambiar as prácticas fotográficas e tamén a percepción das imaxes nesta etapa da fotografía. Entre outros moitos traballos, Caujolle é o director da axencia Vu.

MadridFoto, do 12 ao 16 de maio

2010-04-19T11:35:00.003+02:00

A segunda edición da feira de fotografía MadridFoto terá lugar do 12 ao 16 de maio no Palacio de Deportes da Comunidad de Madrid. Participan só galerías e os seus organizadores queren enfocala cara a promover a fotografía mais contemporánea. É unha feira dun tamaño pequeno, non é ARCO, que tenta atopar o seu espazo no panorama expositivo nacional e internacional.

Fontcuberta e Pandora

2010-04-19T11:25:00.003+02:00

Joan Fontcuberta ven de publicar La cámara de pandora (ISBN: 978-84-252-2288-7 e 25€) na editorial Gustavo Gili. Trata do que considera a "refundación do medio fotográfico" coa chegada do dixital, e vai mais aló do que ata o de agora se consideraba estrictamente fotográfico. Na sua liña de traballos coma El beso de Judas ou Ciencia e Fricción, os 16 artículos prometen interese, reflexión e tamén divertimento.

Encontros para a venta de obra de autor

2010-04-19T11:08:00.004+02:00

Está aberta a convocatoria para participar en Entrefotos, a feira de venta de fotografías na que participan directamente os autores, sen intermediacións das galerias. O seu coordinador é Pepe Frisuelos (913670191). A edición terá lugar en Madrid do 23 ao 26 de setembro.
Algo semellante organizouno Zlick na Coruña: foi I Exposición e Venta de Fotografía de autor o pasado 26 de marzo, con imaxes de Gimena Berenguer (autora da fotografia desta entrada), Simone Maestra, Melki Chichery, Miguel Ares, Isra Cubillo e Bernardo Villanueva.

Acerca da mirada

2010-04-19T11:01:00.003+02:00

O colectivo ZPhoto de Zaragoza convoca un taller co fotógrafo Leo Simoes baixo o título Acerca da mirada. E aclaran que nel plantexarase a práctica fotográfica coma un medio de crecemento persoal. Abordaranse temas coma o proxecto fotográfico, a visión persoal, a edición e mais a difusión da obra. Terá lugar o 15 e 16 de maio e custa 120€.

Campus PHE sobre Edición de Libros

2010-03-17T14:03:00.003+01:00

Campus PHE sobre Edición de Libros de Fotografía son unhas xornadas de tres días nas que os fotografos cun proxecto de libro poden mostralo a expertos de todo o mundo reunidos en Madrid. PhotoEspaña selecciona 30 autores para participar nese campus. A inscripción é ata o mércores 31 de marzo. As xornadas serán o 22, 23 e 24 de Abril en Alcalá de Henares. As maquetas de libro dos trinta participantes expoñeranse en PHE 2010, formando parte da mostra "Os mellores libros de fotografía do ano".

adfphoto, un blogue moi interesante

2010-03-17T13:58:00.002+01:00

Case por casualidade atopo un blogue moi interesante, adfphoto, que ademais está tan ben feito que da gusto leelo. O seu autor Francisco González Fernández dí que é un proxecto sobre fotografía contemporánea. Merece a pena seguilo.

Talleres Islados

2010-03-07T00:20:00.002+01:00

Talleres Islados é unha iniciativa de Mariona Fernández (dirixiu SCAN en Tarragona) que está a piques de arrancar. Trátase de talleres de fotografía, poesía, arte, ilustración, video, cine, documentais, narrativa ou diseño, propostos por un experto nesa área, que tamén elixe o profesor para cada caso. En fotógrafía quen diseña os talleres é a propia Mariona e mais Sandra Balcells. Teran lugar na illa de Menorca en varios momentos do ano. De momento están convocados xa 10 talleres para este ano.

Fotografiando o imposible, no CAF

2010-03-07T00:14:00.003+01:00

O Centro Andaluz da Fotografía (CAF) organiza o terceiro taller de Fotografía e Ciencia, co título de "Introducción a Fotografía Científica: fotografiando o imposible". Estará dirixido por Luis Monje e terá lugar os vindeiros 26, 27 e 28 de marzo na sua sede de Almería. Hai 15 prazas, é gratuito e o límite para inscribirse é o 18 de marzo.

Fotografía: Producción, Edición, Difusión. Seminario en Bilbao

2010-03-06T19:57:00.002+01:00

Bilbaoarte ofrece un seminario titulado Fotografía: Producción, Edición e Difusión do 22 ao 31 de marzo, dirixido pola fotógrafa Begoña Zubero. Hai 12 prazas e a inscripción é ata o 15 de marzo; custa 100 €. No taller tamén participarán varios invitados como expertos nalgunha desas áreas.

Matías Costa e Valentín Vallhonrat no Cabo de Gata

2010-03-06T14:05:00.003+01:00

Xa están convocados os dous talleres que se farán en Cabo de Gata, Almería, no verán deste ano. Organizados por Oscar Molina no Cortixo da Loma, eso garantiza sempre que as cousas se farán ben, os fotógrafos invitados este ano son: Matías Costa "Caderno de campo. A procura da propia voz na fotografía", do 18 ao 24 de xullo; e Valentín Vallhonrat "Estratexias da ilusión. Crear, proxectar, transferir as nosas ideas", do 25 ao 31 de xullo.

Datas para os Proxectos Finais de Fotografía

2010-03-06T13:55:00.002+01:00

A partir do luns oito de marzo faranse públicas as datas polas que se rexirán os proxectos finais de fotografía (PFC) na convocatoria de xuño. Pero as dúas mais relevantes serán:
Límite para a entrega dos anteproxectos: martes 6 de abril
Límite para a entrega dos proxectos xa rematados: luns 7 de xuño
Presentación dos proxectos aprobados: xoves 17 de xuño
O resto da información estará a vosa disposición na escola.

O arquitecto David Chipperfield e Corrubedo

2010-03-06T13:41:00.003+01:00

O outro falamos na escola do arquitecto David Chipperfield e da casa que amañou en Corrubedo para pasar parte do ano alí. Pois ben, na Fundación Barrié de la Maza en A Coruña ven de abrirse unha mostra sobre 75 proxectos deste arquitecto, presentados o traverso de maquetas, planos e audiovisuais. Traballos cheos de sensibilidade e atención o medio ambiente e a sostenibilidade. A sua casa de Corrubedo é un bon exemplo de todo isto. A mostra estará aberta ata o 30 de maio.

Obras maestras de Català - Roca en Vigo

2010-03-06T13:26:00.004+01:00

Na Fundación Pedro Barrié de la Maza en Vigo está aberta unha mostra cunha ampla colección de imaxes do fotógrafo Francesc Català-Roca. Trátase dun proxecto de colaboración entre a Fundación Barrié e La Fábrica, no que se investigou a fondo no arquivo deste fotógrafo catalán. É un dos renovadores da fotografía española na década dos 50 do século XX, xunto a Xavier Miserachs, Leopoldo Pomés e Gabriel Cualladó. Co paso do tempo a importancia da sua mirada segue medrando. A mostra está aberta ata o 30 de maio.

Under the tropical light e Antoine d'Agata

2010-03-06T01:47:00.003+01:00

Atopei o blogue "Under the tropical light" por casualidade, e gustáronme moito as referenzas que se fan a Antoine d'Agata. Xa escoitei en mais ocasións que se trata dun mestre excepcional, pero as pequenas frases que esta alumna conta do taller sobre fotografia documental que impartiu volven a confirmalo. Ela dí:
A primeira frase que copiei no taller foi "responsabilizarse da posición como fotógrafa" e a derradeira "non estou de acordo con mirar, entender e explicar sen comprometerse".

Seminario sobre Educación Artística no CGAC

2010-03-06T01:30:00.002+01:00

O CGAC de Santiago organiza un seminario sobre educación artística impartido por Rita L. Irwin, membro do movemento A/r/tography. Terá lugar o sábado 13 (de 10,00 h. a 14,00 h.) e o luns 15 de marzo (de 16,30 h. a 20,30 h.)

Zlick

2010-03-06T01:08:00.003+01:00

Zlick é un estudo de fotografía e impresión dixital especializado en arte e publicidade. Traballan para fotógrafos, artistas visuais e profesionais da imaxen, e está na Coruña. Ademais da web do estudo teñen a páxina fotolabañou e zlick news. Nelas hai ideas e fotos que ben merecen un percorrido.

Candida Höfer en Vigo

2010-03-06T00:56:00.003+01:00

No MARCO de Vigo está aberta unha exposición individual de Candida Höfer, unha das fotógrafas máis destacadas da chamada Escola de Düsseldorf, que ofrece unha selección dos seus traballos dos últimos corenta anos nunha montaxe realizada en colaboración co prestixioso estudio de arquitectura Kuehn Malvezzi. A mostra ‘PROJECTS: DONE’ inclúe obras feitas entre 1968 e 2008, e estará aberta ata o 23 de Maio.

Talleres no Parque Natural do Montseny

2010-03-06T00:45:00.005+01:00

Os talleres de Sierra Mágina (Jaén) trasládanse ao Parque Natural do Montseny (Girona). O seu organizador, o fotógrafo Leo Simoens, xa ten convocados os tres talleres deste ano 2010: Oscar Molina, "Detrás da cámara" (do 15 09 10 ao 19 09 10); Pep Bonet e Xoan Roig, "Independente" (29 09 10 ao 03 10 10) e Alejandro Castellote, "Idiomas e Dialecto" (no mes de novembro, as datas exactas ainda están sen concretar).

Rosiña Rojo

2010-02-28T20:56:00.002+01:00

Rosiña Rojo é unha antiga alumna da escola. Agora, ten varios traballos colgados na rede e tamén un blogue que merece a pena visitar.

Outras cámaras

2010-02-28T20:36:00.005+01:00

Junkstorecameras, un enlace con un percorrido por "cámaras alternativas". Hai moito material para ver. Agora que está en marcha en Vigo o taller con Carlos Puga no que se fotografía con cámaras de xoguete, esta pode ser unha páxina de referencia, alo menos para coñecer posibilidades de aparellos vellos e tamén distintos.

O berro das mulleres en Irán

2010-02-28T20:21:00.002+01:00

Un traballo, Azoteas de Teherán, do xoven fotógrafo italiano Pietro Masturzo gañou o World Press Photo deste ano. Xa fai dias desto, pero non quería deixalo pasar sen salientala novidade que supon esta fotografía neste tipo de concursos. É unha imaxe feita perante as protestas en Irán do pasado xuño, cando o presidente Ahmadineyad gañou as eleccións electorais. Naquel momento as protestas estaban nas azoteas de Teherán e as mulleres formaban parte desa loita. Unha imaxen que non mostra abertamente o sufrimento, como é costume neste concurso, senon que construe unha realidade menos obvia y mais reflexionada. As azoteas dos paises musulmans, as mulleres e o papel que lles concede o actual rexime iraní, un momento entre o día e a noite son elementos desta imaxen e de todo o traballo.

Duccio Malagamba. Fotografía de Arquitectura

2010-02-11T21:21:00.003+01:00

Duccio Malagamba é un fotógrafo italiano especializado en Arquitectura. Reside en Barcelona e o seu listado de traballos comerciais é impresionante, ademais mantendo sempre unha calidade excepcional.

Posición B, asociación de A Coruña

2010-02-11T20:49:00.002+01:00

Posición B é unha asociación fotográfica da Coruña que integra tanto a fotógrafos profesionais como afeizoados. Teñen un local propio e desenvolven varias actividades de formación, entre as que hai convocadas un curso de xestión de color con Hugo Rodríguez para o 8 e 9 de maio. Teñen web e blogue.

Taller de Anders Petersen en Sevilla

2010-02-09T17:54:00.003+01:00

Unha noticia importante. Parece que o fotógrafo Anders Petersen vai dar un taller en Sevilla entre o 25 e o 28 de marzo. Será no Fotómata (691 428 264) e imaxino que en canto se faga algo mais público xa non quedarán prazas. É unha oportunidade única para quen lle interese este xeito de velo mundo.

The Cove

2010-02-09T16:56:00.003+01:00

Román recomenda o documental The Cove. Dirixido por Louis Psihoyos, fotógrafo de National Geographic, trata da matanza de mais de 23.ooo golfiños nunha praia do Xapón. Grabado en 2007 foi premiado no Festival de Cine de Sundance de 2009.

Un ano, 365 fotos

2010-02-09T16:39:00.003+01:00

Duas iniciativas con certas semellanzas: un ano, 365 imaxes. O blogue Cada día un fotógrafo, está adicado a presentar cada xornada un fotógrafo histórico (na maioria dos casos) presentando un percorrido pola sua biografía e obra, e recopilando enlaces a outras páxinas que tamén tratan do mesmo autor. No outro caso é o blogue dunha fotógrafa galega, Isabel Maestu, que está principiando un diario fotográfico no que cada día colga na rede unha imaxe.

Curso na Coruña sobre Estética Fotográfica

2010-02-08T23:51:00.003+01:00

O fotógrafo Carlos Cánovas dará un curso sobre Estética da Fotografía no MACUF de A Coruña. Será en dous fins de semana: o do 12 e 13 de febreiro e mais o do 12 e 13 de marzo. A idea que plantexa é facer un percorrido desde o nacemento do medio ata o momento actual, vendo imaxes e comentándoas. É unha proposta ben interesante.

O Golfo de Fonseca

2010-02-08T23:45:00.002+01:00

O martes 9 de febreiro preséntase na Sala Exposicións da Casa da Xuventude de Ourense a mostra fotográfica Golfo de Fonseca: a loita por un futuro sostible. O autor das fotos é Carlos Puga (Fotoxoguete), que estará presente xunto o responsable de cooperación de Amigos da Terra e as xornalistas Estrella López e Eva Alonso. Será as 8 do serán.

Outros espazos

2010-02-05T23:45:00.003+01:00

Falar da fotografía só dende a fotografía, mesmo neste blogue...déixame moitas dúbidas. Paréceme que é imprescindible incluir outras cousas, e por eso vou principiar por engadir nos links un apartado que de momento chámolle Outros espazos. Nel tentarei misturar páxinas sobre a tecnoloxía que está chegando con outras que amosan contidos laterais pero interesantes para a fotografía ou simplemente iniciativas culturais, creativas, que fan as cousas doutro xeito.

Magnum vende a Dell parte do seu arquivo

2010-02-05T23:34:00.004+01:00

Parte do arquivo de imaxes da axencia Magnum ven de ser vendido o xigante da informática Michael Dell, o dos ordenadores Dell. O que este home mercou son as copias orixinais (vintage) feitas e arquivadas pola axencia e que se mandaban as publicacións para a sua venda. O seu proxecto é que todo ese material tan valioso resida no Harry Ransom Center da Universidade de Texas, EE.UU, quen debe dixitalizalo e poñelo a disposición dos investigadores. Fotos de Cartier-Bresson, Robert Capa, Elliott Erwitt, Leonard Freed, Bruce Davidson ou Rene Burri. O que pasa é que da medo que as imaxes queden en mans dos que xestionan os aparellos informáticos e a tecnoloxía de acceso a información. Non hai que esquecer que a axencia Corbis, un verdadeiro xigante, é propiedade de Bill Gates. E mais cousas que non saberemos.

20ºN - 37ºW

2010-02-04T16:26:00.004+01:00

O xornalista Fernando Quintela presenta en Vigo a sua mostra "20ºN- Lonxitude 37ºW". Nesas coordenadas foi rescatada a embarcación na que viaxaban desde Mauritania cara a España un grupo de inmigrantes. Nela iba tamén o xornalista, que foi o que puido avisar os rescatadores. Non era a primeira vez que tentaba facer unha reportaxe perante unha travesia coma esta. A mostra estará aberta na Sala de Exposicións do Centro Cultural Caixanova en Vigo ata o 14 de marzo.

Taller con Ariel Ruiz i Altaba no CAF de Almería

2010-02-01T22:05:00.006+01:00

Fai unhes anos coñecín de casualidade as fotos de Ariel Ruiz i Altaba. Impresionáronme. É un científico que desenvolve un traballo fotográfico moi intenso ao mesmo tempo que as suas investigacións. El dí que necesita as dous cousas para "seguir cordo". Pois ben, este home que traballa nun laboratorio en Suiza ven a España para dar un taller no CAF de Almería. Semella unha oportunidade única para dar con él e, sorprendentemente, trátase dunha actividade case que "clandestina" porque é moi difícil atopar información sobre ela. En todo caso a preinscripción é ata o 11 de febreiro e o taller será do 17 ao 19 do mesmo mes en Almería. Mais información no teléfono do CAF: 950 186360, preguntando por Carmen Vizcaino.

Unha viaxe con Ramón Cabanillas

2010-02-01T21:54:00.005+01:00

Este xoves, 4 de febreiro, as 20 h. inaugúrase na Casa das Palabras de Vigo (Avda. de Samil, 17) a mostra fotográfica "Unha viaxe con Ramón Cabanillas". Teñen obra nela Iñaki Abella, Quico Álvarez, Eduardo Apariz, Mónica Irago, Luis Barreiro, Martina Misser, Emilio Moldes, Carlos Puga, Xaquín Rosales, Mónica Vila e José Luiz Oubiña. O Verbum editou un pequeno caderno que promete entregar os asistentes.

Purificación García

2010-02-01T21:48:00.002+01:00

Do 1 ao 19 de febreiro pódense presentar obras ao Premio de Fotografía de Purificación García. Pode participar calquera persoa maior de 18 anos, cunha soa obra de tema e técnica libre ou ben unha serie de tres imaxes. O formato non pode ser menor de 80 cms. polo seu lado mais pequeno, nin maior de 250 cms no seu lado maior. E os cartos dos tres premios: 15.000 €, 12.000 € e 10.000 €. Sen dúbida é unha boa inversion para quen paga o premio.